Rasteplass og utsiktspunkt Hestad

Servicebygget er forma som tre små tårn som stikker opp i landskapet. Frå bygget er det to stiar. Den eine går på ei opphøgd rampe utover ei grunne i vatnet, den andre langs vasskanten i det verna området. Vandringa har stopp med sitjeplasser og informasjon undervegs.

Om lag 300 m frå rasteplassen ligg Hestad kapell. Den vesle, brunbarka kyrkja og området rundt er freda. Ei stavkyrkje stod på Hestad frå 1327 då den i 1805 vart erstatta av dagens kapell. Ein del av tømmeret i kapellet stammar frå den gamle stavkyrkja.

Ved snøsmelting og store nedbørsmengder, normalt forsommar og tidleg haust, vert vatnet stort og kan fløyme over rasteplassen.

Arkitekt: Fortunen AS - Nils Mannsåker